电影《破·地狱》香港票房破千万港币

【《破．地獄》打破香港開畫票房紀錄】

諗住《#破地獄》會有好票房成績，冇諗過勁成咁，開畫票房大收超過700萬，打破咗《寒戰II》近540萬嘅紀錄，成為香港史上最高開畫票房華語片，連同呢一刻早場票房已經突破千萬！

數字咁睇係勁，之但係呢個成績係加埋優先場，仲要喺星期六開畫全港有過千場（《寒戰II》都只係星期五開畫），有呢個數字都好正常。

撇除數字遊戲，《破．地獄》的確可以做到全港一片紅海，唔少戲院難得出現「全院滿座」四隻字，今時今日絕對唔容易，有朋友星期五買星期六嘅飛，多間戲院已得返第一行。當然，一片獨大加埋數字遊戲，係會令套戲走勢超強勁，但佢真係好多觀眾入場。

喺佢強勢之下，《焚城》同荷里活大片《RED ONE拯救隊》（算唔算係？睇完真係串流片咁）都被大幅削場，可以肯定會成為今年一套重要嘅港產片，重要口碑同票房雙贏。

對比近期幾套大破票房紀錄嘅爽片同娛樂片，好大程度係觀眾不斷二三刷先推到呢個效果，《破．地獄》個人嚟講就冇咩二刷衝動，唔係話佢唔好睇，而係個故事都幾沉重，再好睇一次就夠🥲

可惜在这里不会有人希望他火热